अखिल छैठौले भन्योः बिद्यार्थी गाउँमा छन्, फोन त चल्दैन अनलाइनबाट कसरी पढ्नु ?

0 53

पाल्पा । अखिल नेपाल राष्ट्रिय स्वतन्त्र बिधार्थी युनियन( छैठौ) पाल्पाले एक प्रेस बिज्ञप्ति जारी गरि अहिलेको सन्दर्भमा अनलाइनबाट पढाउन सम्भव नभएको जनाएको छ ।


बिश्वसमुदाय कोरोना भाइरसको माहामरी संग जुधिरहेको छ । हामीले यो भाइरसबाट बच्नु र यसलाई परास्त गर्नु अहिलेको आबस्यकता हो । अहिले देशभर लकडाउन गरिएको छ यसबाट विभिन्न परिस्थितिहरु उत्पन्न भएका छ्न । देशका सबैजसो क्षेत्रमा यसको गम्भीर असर परिरहेको छ । सिङ्गो शिक्षा क्षेत्रलाई यसले प्रभावित पारेको छ । लाखौं विद्यार्थीहरुको पठपाठन ठप्प हुनुका साथै स्कुल कलेजका परिक्षाहरु समेत हुन सक्ने अबस्था छैन । यसबाट विद्यार्थी हरुको भबिष्य समेत अन्योलमा पर्ने देखिन्छ । यसको बैकल्पिक उपाय खोज्नु अहिलेको आवश्यकता हो । बिज्ञप्तिमा उल्लेख छ ।


हालै त्रिभुवन बिश्वबिद्यालयले अनलाइन कक्षा संचालन सम्बन्धि निर्देशिका सहित त्रि बि अन्तर्गतका सबै आंगिक क्याम्पसहरुमा परिपत्र गरेको छ । यसप्रति हाम्रो संगठनको गम्भीर ध्यानाकर्षण भएको छ । बर्तमान अबस्थामा लाखौं विद्यार्थी हरु देशका मुख्त शहर बाहिर छ्न।उनीहरु आफ्ना पाठ्यपुस्तक र पाठ्यसामग्री बिना घरमै बसिरहेका छ्न । नेपालका सबै क्षेत्रमा अनलाइन कक्षा लिने गरि ईन्टरनेटको पहुँच छैन साथै सबै विद्यार्थीहरुले महँगो डाटा मार्फत कक्षा लिन सक्ने अबस्था छैन । यस्तो परिस्थितिमा कक्षा संचालन गरिए लाखौं विद्यार्थीहरु शिक्षा लिन पाउने अधिकार बाट बन्चित हुने जिल्ला अध्यक्ष पुरन पोखरेलद्धारा हस्ताक्षरित बिज्ञप्तिमा उल्लेख छ ।


बर्तमान परिस्थितिमा बैकल्पिक रुपमा अनलाइन कक्षा संचालन गर्दा त्रिभुवन बिश्वबिद्यालय,नेपाल सरकार र दुरसंचार प्रा.लि. हरुको समन्वयमा विद्यार्थीहरुका लागी निशुल्क डाटा प्याक उपलब्ध गराइ प्रयोगात्मक बाहेकका बिषयको कक्षा संचालक गर्न र कक्षा लिन नसक्ने विद्यार्थी हरुको सम्बन्धित संस्थाले डाटा संकलन गरि बैकल्पिक उपायको खोजी गर्न माग गर्दछौं । पाल्पा जिल्लाका त्रिभुवन बहुमुखी क्याम्पस पाल्पा लगाएत सबै क्याम्पस हरुलाइ आबस्यक छलफल तथा तयारीमा जुटन अनुरोध गर्दछौं । उक्त बिज्ञप्तिमा उल्लेख छ ।

Comments
Loading...