शोभा कडरिया कोइरालाको गजल

0 292

शोभा कडरिया कोइराला
आफ्ना सबै रहर मारी बस्नुपर्ने रैछ
अरु जिताई आफै हारी बस्नुपर्ने रैछ ।

सपना सबै परालकै टौवा जस्तै भयो,
ढल्दा मुटु गाँठो पारी बस्नुपर्ने रैछ ।

शरीर यो दुई दिनको डेरा जस्तै हो कि ?
त्यही डेरामा मन सारी बस्नु पर्नै रैछ

न्याउली गाउँदा वनपाखा विरहमा रुँदा
आफू पनि आँसु झारी बस्नुपर्ने रैछ ।

अधिकारका सडकमा घन्के पनि नारा,
दबाबमा घरमै नारी बस्नुपर्ने रैछ

शिक्षिका बुद्धिबिकास आधारभुत बिद्यालय माथागढी, गैराबारी पाल्पा

Comments
Loading...