पाल्पामा स्वतन्त्र पार्टीको शक्ति, ठूला दललाई चुनौती

0 2,008

पाल्पा । प्रतिनिधिसभा तथा प्रदेशसभा निर्वाचन नजिकिदै गर्दा पाल्पामा स्वतन्त्र पार्टीको माहोल धेरै राम्रो बनेको छ । झण्डै २ महिना अघि पाल्पामा संगठन विस्तार गरेको राष्ट्रिय स्वतन्त्र पार्टीे पाल्पाको शक्ति दिन प्रतिदिन बढेको देखिएको छ । सुक्ष्म चुनावी अभियानमा रहेका राष्ट्रिय स्वतन्त्र पार्टीका नेताहरुका अनुसार ठुला राजनीतिक दलबाट खास विकास योजनाको महसुस नगरेका मतदाताहरुका लागि राम्रो विकल्पको रुपमा स्वतन्त्र पार्टी बनेको छ ।

आश्वासनका पोका बाँडेर अर्को चुनाव सम्म बिर्सने नेताका पछाडि लाग्नु भन्दा आश्वासन नबाँडने संग रहनु राम्रो लागेर राष्ट्रिय स्वतन्त्र पार्टीमा लागेको बगनासकाली गाउँपालिका संयोजक रविन्द्र घिमिरेले बताउनुभयो । ‘नसक्ने कुरा किन गर्ने ? विश्वास गर्न सक्ने संगको यात्रा सजिलो हुन्छ, मलाई कुनै स्वार्थ छैन’ घिमिरेले भन्नुभयो । ‘वितृष्णा पालेर कसैको पछि लाग्नु बेकार हो । राम्रो छवि भएको रविनै ठिक लाग्यो ।’ घिमिरेले संस्था आँफैमा खराव नहुने भन्दै ब्यक्ति केन्द्रित नेतृत्व हेर्नुपर्ने बताउँनुहुन्छ ।

राष्ट्रिय स्वतन्त्र पार्टीेमा अधिकांश काङग्रेसले मत हाल्ने आधार पाएको उम्मेदवार सुमन गैरेको दावी छ । उहाँले आफ्नो अभियानमा यस्तो तथ्याङक निकालेको दावी समेत गर्नुभयो । ‘हाम्रो मत पनि बढिरहेको छ, जितका लागि हामिले आधार बनाइसकेका छौँ’ गैरेले भन्नुभयो, ‘काङग्रेसले भोट दिने कसलाई हो ? घण्टीलाई हैन ? अनि ल न त गठबन्धन मानौँ भन्नका लागि एउटा मान्छेलाई जिल्लाका नेताहरुले भने भन्दैमा कार्यकर्ताले मानेर ३० वर्ष राज गर्न दिन्छन ? जनताले जानेका छन अहिले मत दिने हामीलाई नै हो ।’

राष्ट्रिय स्वतन्त्र पार्टीेका जिल्ला अध्यक्ष बिष्णु भण्डारीले प्रतिनिधिसभा सदस्यका लागि सुमन गैरेको जित निश्चित भइसकेको दावी गर्नुभयो । ‘हामीलाई पालिका स्तरका ठुला दलका नेताले कल गर्नु गर्नुभएको छ, ‘सार्वजनिक हुन मिल्दैन तर हामीले आन्तरिक रुपमा लागेका छौँ’ भण्डारीले भन्नुभयो, ‘काङग्रेस लगायत धेरै अन्य दलका नेता र साथीहरु हामी भन्दा बढि लाग्नु भएको छ ।’
कुटुम्ब पोष्टको सहयोगमा

Comments
Loading...