बरजु गुठीको आठौं वार्षिक साधारणसभा तथा चौथो अधिवेशन सम्पन्न

0
123

पाल्पा । बरजु गुठी, पाल्पाको चौथो अधिवेशन सम्पन्न भएको छ । गुठीका अध्यक्ष सुरेशमान बुद्धाचार्यले तानसेन, पाल्पामा रहँदै बस्दै आएका शाक्य बज्राचार्य समुदायको सँस्कृति पहिचानलाई कायम गर्दै परस्पर सहयोग, सद्भाव र समझदारीपूर्ण ढंगबाट सुसंगठीत हुँदै आर्थिक र सामाजिक रुपमा यस समुदायलाई अझ बढी सबल र समृद्ध बनाउने मूख्य उद्देश्यकासाथ बरजु गुठीको स्थापना भएको बताउनुभयो ।

कार्यक्रमका प्रमुख अतिथी सह–प्राध्यापक डा.कविन्द्र बज्राचार्यले कलात्मक पानसमा दीप प्रज्वलन गरी विशिष्ट अतिथि चुडाकर्म ब्रर्तमण्ड संघ, श्री धर्मचक्र महाविहारका अध्यक्ष विरेन्द्र काजी शाक्यको उपस्थितीमा समारोहको विधिवत् समुद्घाटन गर्नु भएको थियो ।

समारोहमा कोषाध्यक्ष धिरज बहादुर बज्राचार्य र महासचिव दिनेश बहादुर बज्राचार्यबाट गुठीको बर्ष दिनको आयव्यय प्रतिवेदन एवं बार्षिक प्रगति प्रतिवेदन प्रस्तुत गरीए पछि तानसेन, पाल्पाका शाक्यबज्राचार्य समुदायका ज्येष्ठ नागरिकव्दय आजु चुनुलाल बज्राचार्य (८९ बर्ष) र श्रीमति कमल मायाँ शाक्य (८८बर्ष), खेलकूद क्षेत्रमा ख्याति प्राप्त व्यक्तित्व महेशमान बज्राचार्य, शैक्षिक, सामाजिक, एवं बुद्ध धर्मको विकास र विस्तार लगायत नेपाल भाषा, साहित्य, संस्कृतिका साथै विभिन्न सामाजिक संघसंस्थामा आबद्ध हुनु भएका कुशल नेतृत्वकर्ताको भूमिका निर्वाह गर्नु भएका बौद्ध विद्वान छत्रराज शाक्य, कलाकारीता क्षेत्रमा विशेषत योगदान पु¥याउनु भएका हरि बहादुर बज्राचार्य, बिनय राज बज्राचार्य लगायतलाई सम्मान गरिएको थियो ।

गुठीका उपाध्यक्ष प्रविन बज्राचार्य, का.स.सदस्यहरु धिरज बहादुर बज्राचार्य, पुरन बहादुर बज्राचार्य, नारायण बहादुर बज्राचार्य, विरेन्द्रराज शाक्य, महेशलाल शाक्यलाई र गुठीको २ वर्षिय कार्यकाललाई सफल बनाउन विभीन्न गतिविधीहरुमा सकृय भुमिका निभाउनु भएका कार्यसमिति पदाधिकारी सदस्यहरुलाई प्रशंसापत्रका साथ खादा एवं उपहार स्वरुप बुद्ध प्रतिमा प्रमुख अतिथी एवं अध्यक्षबाट प्रदान गरीएको थियो ।

त्यस्तै गरि गुठीको आर्थिक पक्षलाई दरिलो बनाउन सहयोग गर्नु हुने २८ जना श्रद्धावान व्यक्तित्व र गुठीले स्थापना गरेको बुद्ध जयन्ती खीरदान अक्षयकोषका लागि आर्थिक श्रद्धादान प्रदान गर्नु हुने ३७ जना श्रद्धावान व्यक्तित्वहरुलाई सम्मान पत्र प्रदान गरिएको थियो भने प्रमुुख अतिथि डा.कविन्द्र बज्राचार्यलाई गुठीका अध्यक्ष सुरेश मान बुद्धाचार्यबाट मैत्री उपहार प्रदान गरिएको थियो भने सोही कार्यक्रममा कार्य समिति परिवारबाट पनि अध्यक्ष सुरेश मान बुद्धाचार्यलाई मैत्री उपहार समेत प्रदान गरिएको थियो ।

प्रमुख अतिथी डा.कविन्द्र बज्राचार्यले सारगर्भित धर्मचर्चा प्रवचन गर्नु हुदै बरजु गुठीलाई आप्mनो उद्देश्य अनुरुप गरिएको कार्यहरुको प्रशंशा गर्दै शुभकामना मन्तव्य व्यक्त गर्नुभयो । समारोहमा सम्मानित व्यक्तिहरुको तर्पmबाट छत्रराज शाक्य, बौद्ध संघसंस्थाहरुको तर्पmबाट ज्ञानमाला सभा महाचैत्य विहार तानसेन, पाल्पाका अध्यक्ष मनिन्द्र प्रसाद बज्राचार्य, गुठीका निवर्तमान अध्यक्ष केशवलाल बज्राचार्य, विशिष्ट अतिथि विरेन्द्र काजी शाक्यले समेत गुठीका गतिविधीहरुको सह्राहना गर्दै शुभकामना मन्तव्य व्यक्त गर्नु भएको थियो ।

समारोहमा उपाध्यक्ष प्रविन बज्राचार्यले अध्यक्षको अनुमतिबाट कार्यक्रम सफल बनाउन सबैलाइ धन्यवाद व्यक्त गर्नु हुदै समुद्घाटन सत्र समापन भएको घोषणा गरेका थिए । समुद्घाटन समारोह पश्चात संचालित बन्द सत्रमा सम्पन्न गरीएको निर्वाचनमा गुठीको आगामी २ बर्षिय कार्यअवधिको अध्यक्ष पदमा प्रविन बज्राचार्य, उपाध्यक्ष पदमा दिनेश बहादुर बज्राचार्य, महासचिवमा धिरज बज्राचार्य, कोषाध्यक्षमा ज्ञानेन्द्र काजी शाक्य, सचिवमा बसन्तलाल बज्राचार्य र कार्य समिति सदस्य पदमा क्रमशः महेशलाल शाक्य, सुरज बज्राचार्य, नारायणबहादुर बज्राचार्य, संजयराज शाक्य विरेन्द्रराज शाक्य, राजेश बज्राचार्य, पुरनबहादुर बज्राचार्य, राजेन्द्रबहादुर बज्राचार्य, महेशमान बज्राचार्य र सुरन बहादुर शाक्य निर्विरोध निर्वाचित हुनु भएको छ भने सुरेश मान बुद्धाचार्य निवर्तमान अध्यक्षका रुपमा रहनु हुनेछ ।

बन्द सत्रमा महासचिव र कोषाध्यक्षबाट प्रस्तुत बार्षिक आयव्यय तथा प्रगति प्रतिवेदनलाई सर्वसम्मतिबाट अनुमोदन गरीएको थियो । बन्द सत्रमा बरजु गुठीबाट आगामी दिनहरुमा सदस्यहरुको हित हुने लगायत समाज उपयोगी विभीन्न गतिविधीहरु संचालनका लागि सदस्यहरुबाट प्रस्तावहरु प्रस्तुत भएका थिए ।

त्यस्तै गरी उक्त अधिवेशन कार्यक्रम पश्चात गुठीको पद हस्तान्तरण कार्यक्रम भएको थियो । गुठीका सल्लाहकार बिनय राज बज्राचार्यले गुठीले गरेको कार्य प्रसंशा सहित शुभकामना मन्तव्य व्यक्त गर्नु भएको थियो । अधिवेशनबाट आगामी आ.व. २०८०–०८२ का दुइ वर्षिय कार्य अवधिका नयाँ अध्यक्ष प्रविन बज्राचार्यले गुठीलाई अझ सबल र समृद्ध बनाउन विगतका अध्यक्षहरुबाट भए गरेका कार्यहरुलाइ निरन्तरता दिने र बाँकी योजनाहरु पुरा गर्नुका साथै कार्यसमिति पदाधिकारी सदस्यहरुसँग छलफल गरी कार्य योजना अनुसार गुठीको विकास प्रवर्दनमा उल्लेखनिय कार्य गरिने प्रतिबद्धता जाहेर गरी पद हस्तान्तरण कार्यक्रम समापन गरिएको थियो ।
सुरेश बुद्धाचार्यको सहयोगमा

LEAVE A REPLY

Please enter your comment!
Please enter your name here