भोजराज तिमिल्सिना । चापपानी
बगनासकाली गाउँपालिका–९ चापपानीले एक कार्यक्रम गरि ८० बर्ष माथिका जेष्ठ नागरिकहरुलाई सम्मान गरेको छ ।
कार्यक्रमको औचित्य माथि प्रकाश पार्दै वडा सदस्य कृष्णप्रसाद भुसालले सम्मान कार्यक्रमले घरपरिवारलाई समेत हामीले पनि बृद्ध बुवा आमालाई केही गर्नु पर्दछ भन्ने सन्देश दिने बताउनुभयो ।
कार्यक्रममा वक्ताहरुले घरपरिवारमा बेमेलका कारण वृद्ध आश्रम सम्म पुग्न र छुट्टै भान्सामा आगो बाल्न नपरोस साथै समय परिवेश सुहाउँदो परिवर्तन हुन जेष्ठ नागरिकहरुलाई समेत आग्रह गरेका थिए । कार्यक्रममा वगनासकाली पत्रकार समुहका अध्यक्ष भोजराज तिमिल्सिना, राम प्रसाद अर्याल वडा सदस्य यमलाल तिमिल्सिना लगायतका वत्त्ताहरुले जेष्ठ नागरिकहरू जिउदो भगवान भएको हुदा उहाँहरुको आशिर्वाद लिएर काम गर्नुपर्ने बिचार व्यक्त गर्नुभयो।
आर्थिक बर्ष २०८० । ०८१ को लक्षित कार्यक्रम अन्तर्गत जेष्ठ नागरिकको लागि विनियोजित बजेट रकम रु ५० हजार बाट स्विटर र टोपी प्रदान गरि सम्मान गरिएको हो । कार्यक्रमका प्रमुख अतिथि चापपानीका वडाध्यक्ष ठानेश्र्वर तिमिल्सिनाले जेष्ठ नागरिकहरुले समाज रुपान्तरणमा पु¥याउनु भएको योगदानको मुल्यांकन गर्दै सम्मान गरिएको बताउनुभयो । अध्यक्ष तिमिल्सिनाले जेष्ठ नागरिकहरु समाजको गहनाको रुपमा रहनुभएकोले उहाँहरुको अनुभवलाई युवा पुस्ताले समेत समेट्दै अगाडि बढ्नुपर्ने बताउनुभयो ।
वडा भित्र स्थायी बसोवास गरि नेपाली नागरिकतामा ८० बर्ष उमेर पुगेका ५४ जना जेष्ठ नागरिकहरुलाई सम्मान गरिएको हो । वडा सचिव तिलक बहादुर बुचाको सन्चालन र जेष्ठ नागरिक समन्वय समितिका संयोजक पिताम्वर गाहाको अध्यक्षतामा कार्यक्रम चलेको थियो ।