पाल्पा । नेकपा एमाले तानसेन नगर कमिटीले सबै पार्टी सदस्यहरुको परिक्षा लिन केन्द्राध्यक्ष र केन्द्र तोकेको छ । पार्टी सदस्यहरुको ज्ञानको पुर्नताजकी र क्षमता बढाउने अभियान अन्र्तगत तानसेन नगर पालिकाका १४ वटै वडामा यही चैत्र ५ गते ११.३० देखी १२.०० बजेसम्म संगठीत सदस्यहरुको उपस्थितीमा परीक्षा सञ्चालन गर्ने नगर कमिटी अध्यक्ष गुराँस आत्रेयले जानकारी दिनुभयो । आत्रेयका अनुसार नेकपा एमाले लुम्बिनी प्रदेश कमिटीको निर्णय अनुसार परिक्षामा १५ वटा बहुबैकल्पिक प्रश्न आउनेछ र परिक्षार्थीले सहि उत्तरमा टिक लगाउनुपर्नेछ ।
लुम्बिनी प्रदेश कमिटीले तयार पारेको प्रश्न नेकपा एमाले र समसामयिक विषयसंग सम्बन्धित हुनेछ, जुन केन्द्राध्यक्षले जिल्ला पार्टी कार्यालयबाट लैजानुपर्नेछ । नेकपा एमालेका थप जिम्मेवारीमा जान अनिवार्यरुपमा परिक्षामा समावेश भएको हुनुपर्ने व्यवस्था गरेको छ । आफ्नो वडाभन्दा बाहिर रहेका संगठित सदस्यको अनलाईनबाट परीक्षा सञ्चालन गर्ने तयारी रहेको अध्यक्ष गुराँस आत्रेयले बताउनुभयो ।
परिक्षा सञ्चालनको लागी विहिबार नेपाल कम्युनिष्ट पार्टी (एमाले) तानसेन नगर कमिटी पाल्पाको पदाधिकारी बैठक बसी प्रत्येक वडामा जिल्ला कमिटी सदस्यहरुबाट केन्द्राध्यक्ष, सहजकर्ता र परिक्षा केन्द्र तोकेको छ । जसमा केन्द्राध्यक्षले वडा कमिटी अध्यक्ष र सहजकर्ता संग समन्वय गरि परिक्षा सञ्चालन गर्ने छन् । बैठकमा लुम्बिनी प्रदेश कमिटी सदस्य तथा नगर इन्चार्ज नारायणी शर्मा र जिल्ला कमिटी सचिवालय सदस्य तथा नगर इन्चार्ज दामोदर घिमिरेले लामो समय पार्टीमा लागेर समाज रुपान्तरणको लागी काम गरिरहनुभएका संगठीत सदस्यहरु परिक्षामा सहभागी हुदा थप ज्ञानको हासिल हुने र पार्टी अझ चलायमान हुने बताउनुभयो ।
सोही बैठकले तानसेन नगरपालिका भित्रका कुखुरा र बाख्रा पालक किसानहरुको लागी चैत्र ९ गते शुक्रबार तानसेनमा विशेषज्ञ पशु डाक्टर र बैकंरबाट कुखुरा र बाख्रा पाल्ने तरिका लयायत व्यावसायिक योजनाका बिषयमा बिशेष तालिम सञ्चालन गर्ने निर्णय समेत गरेको छ । सदस्यहरुलाई उद्यमशिलता बृद्धि गर्न पेशा गरिरहेका वा गर्ने योजना बनाउनुभएका सदस्यहरुलाई तालिममा सहभागीता गराउने नगरकमिटीले जनाएको छ । साथै बैठकले तानसेन नगरकमिटीको पूर्ण बैठक आउदो चैत्र १७ गते शनिवार तानसेनको पर्यटकिय स्थल रानीमहलमा गर्ने निर्णय गरेको छ । तानसेनको महत्वपूर्ण पर्यटकीयस्थलको थप प्रर्वधनको लागी रानीमहल बैठक प्रभावकारी हुने नगर कमिटी सचिव महेशलाल शाक्यले जानकारी दिनुभयो ।