फागु पुर्णिमाको दिन पोखराथोक लालपाटीमा बिशेष मेला लाग्ने

0
855

पाल्पा । फागु मेला लाग्ने मुख्य स्थानको रुपमा परिचित बगनासकाली गाउँपालिका–२ पोखराथोक लालपाटीमा यस वर्ष फागु पर्वको दिने बिशेष मेला लाग्ने भएको छ ।

चैत ८ गते लालपाटी नरसिंह मन्दिरमा रथयात्रा सहित मूर्तिको प्राणप्रतिष्ठा गरिने कार्यक्रम रहेको चैत ११ गते फागु बिशेष कार्यक्रम संचालन हुने मन्दिर ब्यवस्थापन समितिका अध्यक्ष दिपेन्द्र ढकालले बताउनुभयो । कार्यक्रमकै अवसरमा बनसँग सेलीब्रेटी कार्यक्रम पनि संचालन हुनेछ । कार्यक्रममा राष्ट्रिय तथा स्थानीय कलाकारहरुको बेजोड प्रस्तुती रहनेछ । स्थानीय कलासंस्कृतिको समेत प्रस्तुती रहने अध्यक्ष ढकालले बताउनुभयो ।

मेला संचालनका लागि लालपाटी नरसिंह मन्दिर, लोक साँस्कृतिक साहित्य कार्यक्रम संचालन तथा ब्यवस्थापन समिति पोखराथोक र डिभिजन वन कार्यालयको समन्वय रहेको छ । लालपाटीको मुख्य बिशेषता फागु पुर्णिामामा हुने मेला हो । यहा्रँ प्रत्येक बर्ष फागु पुर्णिमाका दिन पाल्पा लगायत विभिन्न जिल्लाबाट पनि मान्छेहरू जम्मा हुन्छन । एकदिन मात्र हुने मेलामा चारैतिरबाट युवायुवतीहरू जम्मा भएर रङ दलेर र नाचेर रमाइलो गर्दछन् । मेलाका दिन व्यपार गर्न तानसेन र वरिपरिबाट खेच्रीमिच्री सामान बोकेर व्यपारी ओइरिन्छन् । केही वर्ष अघिसम्म यहाा रमाइलो गर्न माथागढी, डा“डाडुम,सपाङदी र चिर्तुङ्धाराबाट झाम्रे, ठूलो नाँच र रौराहरू लिएर आउँथे । अचेल अलि कम भएको छ । व्यापार गर्नेहरू पनि विभिन्न सर–समान सहित आउथे । केटाकेटीलाई खुशी पार्ने सामान र खानपिनका सामान मेलामा बढी हुन्थे । पछिल्लो वर्षहरुमा यहाँ फागु रौनक हराउँदै जान थालेपछि गत वर्षदेखि व्यवस्थित रुपमा फागु मेला गर्न लागिएको हो ।

लालपाटी मेलामा रमाईलो संग संगै भक्तिभाव र शिव अराधनको आस्थाले पनि मान्छे उपस्थित हुन्छन् । यहाँ सानो पोखरीको दह थियो । शिवजीको मन्दिर रहेको छ । बगनासकाली गाउँपालिका वडा नं २ पोखराथोकमा पर्ने लालपाटी माँडी फाँटको काखमा सजिएर रहेको छ । पुर्वी सीमामा भैसिपुर र भलुवा डाँडा । पश्चिम सीमामा गोर्सत टोल रहेको छ । जहाँ दुवै क्षेत्रमा कुमाल जनजातिहरुको बाक्लो बस्ती छ । दुई बाक्लो बस्तीको बीचमा रहेको एउटा (डाँडा) थुम्को नै लालपाटी हो । लालपाटी ठूलो क्षेत्रमा फैलिए पनि जम्मा सात घरको मात्र बसाई छ ।

अहिले तीन घर ब्राह्मण, तीन घर मगर रएक घर नेवार मात्र छन् । केही घर नेवारहरू ब्यापारको लागि बसाई सरेर बाहिर गएको स्थानीयको भनाई छ । पहिले बटौलीबाट नुन, तेल र खाद्य बस्तु डोकोमा बोकेर आउने डोके बटुवाहरू यहि बास बस्थे । पाल्पा पुर्वी भेगका ताहँु, सर्देवा,रामपुर र पुर्वखोलाका सबै यहि बाटो भएर हिड्थे गर्थे । स्याङ्जा, पर्वत, पोखरा जाने पनि डोको भरी सामान बोलेर आँउथे । यहाँ एउटा ठूलो पाटी चौतारी थियो । साँझ घाम डुब्ने बेलैबाट यहि पाटीमा बास बस्ने भएरै लालपाटी भनिएको बुढापाकाहरुको भनाई छ ।

LEAVE A REPLY

Please enter your comment!
Please enter your name here