पाल्पा । जिल्ला सहकारी संघ लि. पाल्पाका अध्यक्ष, वचत तथा ऋण सहकारी संघ लि, का सल्लाहकार, पाल्पा जिल्ला सहकारीका अभियन्ता भुपति पाण्डे माथि मंगलवार रामपुरमा सांघातिक आक्रमण भएको छ ।
आक्रमणमा परी अभियन्ता पाण्डे घाइते हुनुभएको छ । उहाँको अहिले युनाइटेड मिसन अस्पतालमा उपचार भइरहेको छ । घटनाको बिषयलाई लिएर जिल्ला सहकारी संघ र जिल्ला बचत संघले दोषीमाथि कारवाहीको माग सहित बिज्ञप्ति जारी गरेका छन् । सहकारी संघका सचिव कृष्ण भुसाल र बचत संघका अध्यक्ष जगदीश भट्टराईद्धारा जारी बिज्ञप्तिमा आज मिति २०८० साल चैत्र १३ गतेका दिन दिउसो १ वजे रामपुरमा भएको सांघातिक आक्रमणको घटनाले सिंगो सहकारी अभियानको गम्भीर ध्यानाकर्षण भएको उल्लेख छ ।
यस बर्षको सरकारी अभियानको नारा नै “सहकारी मा सुशासन प्रबिधि र एकीकरण“ भन्ने नारा लाई सार्थक बनाउनको निमित्त रामपुरको सुर्योदय सहकारी र ताल पोखरा कृषि सहकारी बिच एकीकरणका बिषयको छलफलका क्रममा रामपुर निवासी सोमबहादुर सेन र रुद्र नारायण श्रेष्ठ लगायतका व्यक्तिहरुले सुनियोजित रुपमा जिल्ला सहकारी संघ पाल्पाका अध्यक्ष माथी सांघातिक आक्रमणले गर्दा गम्भीर घाइते हुनु भएको छ । उहाको मिशन अस्पताल तानसेनमा उपचार भई रहेको छ । उक्त बिज्ञप्तिमा उल्लेख छ ।
सहकारी अभियानलाई जताततैबाट विभिन्न किसिमबाट प्रहार भई रहेको वर्तमान अवस्थामा छलफल,सहमति र सहजताका साथ हुनपर्नेमा व्यक्तिगत रुपमा सांघातिक आक्रमण हुनु निन्दनीय र गैरकानूनी कार्य हो तदर्थ यस्ता कार्यमा संलग्न व्यक्तिहरुलाई तत्काल पक्राउ गरि कानून बमोजिम कडा भन्दा कडा कार्यवाहीको माग गर्दै घाईते भुपति पाण्डेको सिघ्र स्वास्थ्य लाभको कामना गर्र्दछौ । उक्त बिज्ञप्तिमा उल्लेख छ ।
