बगनासकालीमा सडक स्तरोन्नतीको काम धमाधम हुँदै

0
310

पाल्पा । बगनासकाली गाउँपालिका भित्रका सडकको स्तरोनन्नती कार्य धमाधम चलिरहेको छ । सडक र पुर्वाधार विकास योजनाहरुलाई निर्धारित समयमै सम्पन्न गर्ने गरी गाउापालिकाको तर्फबाट सम्वन्धित निर्माण ब्यवसायीलाई ध्यानाकर्षण गराउनुका साथै योजनाहरुको प्रभावकारी अनुगमन समेत हुदै आएको गाउँपालिका उपाध्यक्ष हरिप्रसाद पाठकले बताउनुभयो ।

गौरवको योजनाको काम अगाडि बढ्यो
बगनासकाली गाउँपालिकाको गौरवको योजनाको रुपमा रहेको चिलांगदी, मालारानी, राम्दी सडकको स्तरोन्नती कार्य अगाडि बढेको छ । चालु आर्थिक वर्षमा यो बाटोका लागि गाउँपालिकाले रु १ करोड बिनियोजन गरेको थियो ।

बिनियोजित रकमबाट उक्त सडकको चिलांगदी देखि अगाडि ९ सय मिटर सडक पिच गर्नका लागि उनालोम इन्जिनियरिङ् कन्सल्टेन्सी एण्ड कन्स्ट्रक्सन प्रालिले २०८१ बैशाख मसान्तभित्र काम सक्ने गरी ७४ लाख ६८ हजार ३ सय ६० रुपैयाँमा सम्झौता गरेको छ ।

यो योजनाको काम सुरू भइसकेको र सकेसम्म चैत मसान्तभित्रै काम सम्पन्न गर्ने गरी कार्य अगाडि बढेको गाउ“पालिकाका इन्जिनियर प्रमोद कुँवरले बताउनुभयो । यो सडक निर्माणपछि बगनासकाली गाउँपालिका अन्तरगतका वडा नं. ५, ६, ७, ८ र ९ साथै तानसेन राम्दी हुदै पोखरा जाने यात्रुका लागि पनि सहज हुनेछ ।

अन्य सडकहरुको स्तरोन्नती पनि चल्दैछ
चिलाङ्दी, नायर, खानीछाप राम्दी सडकको स्तरोन्नती तथा पिच कार्य अगाडि बढेको छ । संघीय समपुरक बजेट १ करोड २० लाखबाट निर्माण कम्पनी उनालोम इन्जिनियरिङ् कन्सल्टेन्सी एण्ड कन्स्ट्रक्सन प्रालिले ६ सय मिटर पिच, ६ सय ५० मिटर नाली निर्माण र १ सय २० मिटर बाटो ढलाई गर्ने गरी ८५ लाख ४६ हजार ४ सय ३७ रुपैयामा काम सम्पन्न गर्ने गरी सम्झौता गरेको छ । यो योजनाको काम हालसम्म ५० प्रतिशत बढी भइसकेको र बैशाख मसान्तभित्र योजना सम्पन्न गर्ने कार्य अगाडि बढाइएको इन्जिनियर कुवरले बताउनुभयो ।

चालु आर्थिक वर्षमै सडक बोर्ड र गाउँपालिकाको बजेटबाट जरवादी चिलाङ्दी मोटरबाटोको रिपेयर्स कार्य सम्पन्न भएको छ । १९ लाख ५० बजेट यस योजनाका लागि रहेको थियो । सडक योजना अन्तरगत नै प्रदेश समपुरक बजेटबाट झिरभञ्ज्याङ्, देउराली, खानीगाउ वडा कार्यालय मिलनचोक मोटरबाटो पिच कार्य पनि तीव्र रुपमा अगाडि बढेको छ । यो योजना अन्तरगत यस वर्ष ४ सय मिटर बाटो पिच गर्ने योजना रहेको र ६० प्रतिशत बढी काम सम्पन्न भइसकेको कुवरले बताउनुभयो । त्यस्तै दरुङ्गा मिलनचोक दर्लममहाकाली सुपारे ढाप मोटरबाटोको स्तरोन्नतीको योजना पनि चलिरहेको छ । यो योजनाका लागि प्रदेश समपुरकबाट ५० लाख बजेट रहेको थियो । यो योजनामा यस वर्ष ३ सय मिटर पिच गर्ने योजना रहेको र टिए कन्स्ट्रक्सनमार्फत हालसम्म ५० प्रतिशत पूरा भइसकेको छ ।

त्यस्तै सिद्धार्थ राजमार्ग ३ नं. वडा कार्यालय हुँदै चौपारी मोटरबाटोको स्तरोन्नतीको काम पनि तीव्र रुपमा भइरहेको छ । ५० लाख बजेट यो योजनामा रहेको थियो । सन्त कन्स्ट्रक्सनमार्फत हालसम्म ६४ प्रतिशत बढी काम सम्पन्न भइसकेको इन्जिनियर कुँवरले बताउनुभयो । त्यस्तै सिद्धार्थ राजमार्ग फुलवारी सिखर टु माडी चक्रपथ कृषि सडकका लागि प्रदेश समपूरकबाट बिनियोजित रु ५० लाखबाट काम भइरहेको छ । यो योजनामा ६५ मिटर पिच र २ सय मिटर बाटो ढलाई हुनेछ । हालसम्म ८५ प्रतिशत बढी काम सम्पन्न भइकसकेको बताइएको छ ।

यी बाहेक अन्य योजनाहरू पनि गाउँपालिका भित्र संचालनमा रहेका छन् । सडक र भवन निर्माणका कामहरुले तीव्रता पाएको छ । गाउँपालिका अन्तरगतका वडा कार्यालय, स्वास्थ्य चौकी, सामुदायिक स्वास्थ्य इकाईका भवनहरुको निर्माण तथा मर्मत कार्य पालिका अन्तरगतबाट हुदै आएको छ । हाल वडा नं. १ चिर्तुङ्धारामा वडा कार्यालयसगै रहेको गाउपालिकालाई चिलाङ्दीमा सार्ने गरी भवन निर्माण कार्य सम्पन्न भइसकेको छ ।

गाउँपालिकाले चिलाङ्दीमा १५ शैयाको अस्पताल निर्माण कार्य अगाडि बढाएको छ । अस्पतालको जम्मा लागत रकम भ्याट सहित १७ करोड ८ लाख, ५९ हजार ६ सय ४ रुपैयाँ रहेको छ । अस्पतालमा मेडिकल अधिकृत सहित डाक्टर र नर्ससहितको टिम रहने छ ।

अस्पताल निर्माण भएपछि गाउपालिकाबासीले चिकित्सकीय सेवा, आकस्मिक, ओपिडी, फार्मेसी, ल्याब, रेडियोलोजी लगायतका सुविधा प्राप्त गर्ने छन् । स्वास्थ्यको पहुच भन्दा बाहिर रहेका नागरिकलाई स्वास्थ्य सेवामा सहजै पहुच पु¥याउन संघीय सरकारको अवधारणा अनुसार १५ शैयाको अस्पताल निर्माण कार्य अगाडि बढाइएको हो ।

गाउँपालिका अध्यक्ष सरस्वती दर्लामी चिदीले सडक निर्माणको काम तीव्र भएको र गाउँपालिकाभित्र भएका भौतिक योजनाहरुको अनुगमन कार्यलाई प्रभावकारी रुपमा अगाडि बढाएको र भौतिक तथा पुर्वाधार विकासका योजनाहरुलाई गुणस्तरीय बनाउन गाउँपालिकाले हरसम्भव प्रयास गरेको बताउनुभयो । हरेक वडामा प्राविधिक मार्फत प्राविधिक अनुगमन हुने गरेको उहाँले बताउनुभयो । पालिका भित्रै ल्याव पनि रहेकोले नियमित रुपमा गुणस्तरीयताको परीक्षण समेत गर्दै आएको अध्यक्ष चिदीले बताउनुभयो ।

LEAVE A REPLY

Please enter your comment!
Please enter your name here