पाल्पा । माथागढी गाउँपालिकामा विकास योजनाका कामहरुले तीव्रता पाएको छ । पालिकाका बिभिन्न वडाहरुमा संचालित भवन, बाटो, सिंचाई लगायतका योजानहरुको काम धमाधम भइरहेको पालिकाका इन्जिनियर धर्मेन्द्र कुमार यादवले बताउनुभयो ।
माथागढी गाउँपालिकाको वडा नं. ४ झडेवामा निर्माणधिन १५ शैयाको प्राथमिक अस्पताल निर्माणको काम ८० प्रतिशत सम्पन्न भएको छ । यो अस्पताल निर्माणको काम प्राकृतिक निर्माण प्रालिले गर्दै आएको छ । १२ करोड १८ लाख ९९ हजार ५ सय ९१ रुपैयाँमा यो अस्पतालको निर्माण कार्य भइरहेको र हालसम्म ५५ प्रतिशत बित्तिय प्रगति भएको इन्जिनियर यादवले बताउनुभयो ।
कसेनी स्वास्थ्य चौकीको भवन निर्माण कार्य पनि ९० प्रतिशत सम्पन्न भएको छ । नेरिसा कन्स्ट्रक्सन प्रालिले १ करोड ६० लाख ६२ हजार १५ रुपैयाँमा सम्झौता गरी स्वास्थ्य चौकी भवन निर्माण कार्य गरिरहेको छ । वडा नं. १ चिदीपानी वडा कार्यालय भवनको निर्माण कार्य ९० प्रतिशत बढी सम्पन्न भएको छ । गणेश ओम श्री कालासिला जेभिले १ करोड १७ लाख २२ हजार ९४८ मा सम्झौता गरी भवन निर्माण गरिरहेको छ ।
देवीनगर झडेवाबाटो स्तरोन्नतीको काम ४० प्रतिशतले सम्पन्न भएको छ । यो बाटोको काम यस कन्ट्रक्सन एण्ड सप्लायर्सले ४० लाख १ हजार ८ सय ४९ रुपैयाँमा सम्झौता गरी निर्माण प्रक्रिया आगडि बढाएको हो । त्यस्तै देवगीर देबीनगर मोटरबाटो स्तरोन्नतीको काम पनि लगभग सम्पन्न हुने अवस्थामा छ । यो बाटोको काम ८० प्रतिशत बढी सम्पन्न भएको छ । यो बाटोको काम यस कन्ट्रक्सन एण्ड सप्लायर्सले ३८ लाख ८४ हजार ५ सय १७ रुपैयाँमा सम्झौता गरी निर्माण प्रक्रिया आगडि बढाएको हो ।
त्यस्तै मोहने मन्के दोहोरा फेदी मोटरबाटो स्तरोन्नतीको काम सम्पन्न हुने अवस्थामा छ । त्यस्तै सराई एक्लेबर दमार भैसीकट्टा मोटरबाटोको काम सम्पन्न भएको छ । सराई अगेनी बिस्कुनडाँडा सिलङ्गी मोटरबाटोको काम २५ प्रतिशतले सम्पन्न भएको छ । किसान मावि भवन निर्माणको काम १० प्रतिशत सकिएको छ । किउरेढापमा २८ मिटरको स्टील पुल बनाउने कार्य सम्पन्न भई फरफारक भइसकेको छ । त्यस्तै सडक अन्तरगत नै जगात पधेराटारी थान्सिङ मोटरबाटोको काम सम्झौता भई कार्य प्रक्रिया अगाडि बढेको छ । माथागढी पहुच मार्ग, गाउँपालिका प्रवेशद्धार निर्माण लगायतका योजनाहरू तीव्र रुपमा संचालन भइरहेका छन् ।
त्यस्तै बिशेष ससर्त आयोजना अन्तरगत उपभोक्ता समिति मार्फत पनि माथागढीमा बिभिन्न योजनाहरु संचालन भइरहेका छन् । कृषि उपज संकलन केन्द्र निर्माणको प्रक्रिया अगाडि बढेको छ । यो योजनाका लागि १५ लाख रुपैयाँ रहेको छ । ओखरीगौडा मोटरबाटो स्तरोन्नती वडा नं. ७ का लागि १० लाख रुपैयाँ बिनियोजन भएकोमा यो योजना फरफारक भइसकेको छ । हात्तीलुङ पारसान मोटरबाटो वडा नं. ५ का लागि १० लाख रुपैयाँ बिनियोजन भएकोमा यो योजना पनि सम्पन्न भई फरफारक भइसकेको छ । बेतनी बाघमारा बहादुर मोटरबाटो स्तरोन्नती वडा नं. ८ का लागि १० लाख रुपैयाँ बिनियोजन भएकोमा यो कार्य पनि सम्पन्न भइ फरफारक भइसकेको छ । टारीखेत ताकातुङ सिंचाई योजनाका लागि १० लाख, ठाडेखोला मोजखर्क कराङचाका केबरेढाप सिंचाई योजना वडा नं ७ का लागि १० लाख रुपैया“ बिनियोजन भएकोमा कार्य सम्पन्न भई फरफारक समेत भइसकेको छ । त्यस्तै तल्लो केरउली लिफ्टििङ खानेपानी बिद्युत बिस्तार माथागढी ४ का लागि १० लाख बिनियोजन भएकोमा ५० प्रतिशत काम सम्पन्न भएको छ ।
गाउँपालिका भित्र रहेका येजनाहरुलाई गुणस्तरीय रुपमा निर्धारित समयभित्रै सम्पन्न गर्ने गरी लागिपरेको गाउँपालिका अध्यक्ष यम बहादुर चिदीले बताउनुभयो । उहाँले पालिकाका ८ वटै वडामा प्राविधिकहरू खटाइएको र प्राविधिकहरुले बेला बेलामा अनुमगन गरी योजनाको अवस्थाबारे जानकारी लिने र गुणस्तरीयताको बिषयमा पनि निगरानी गर्ने गरेको बताउनुभयो ।
गाउँपालिकका प्रमुख प्रशासकीय अधिकृत रामप्रसाद घिमिरेले अनुगमनहरुको अनुगमन र प्राविधिकहरुले स्थलगत रुपमा तयार पारेको स्थलगत प्रतिबेदन तथा मुल्यांकनको आधारमा मात्र भुक्तानी गर्ने गरिएको बताउनुभयो ।