पाल्पा । नेपाल पत्रकार महासंघ पाल्पाको नियमित प्रकाशन प्रवाह–२०८१ सार्वजनिक गरिएको छ । महासंघले शाखाका गतिबिधि, पत्रकार क्षेत्रका लेख रचना तथा बिभिन्न ब्यक्तिहरुको लेख रचना समेटिएको प्रवाह बुलेटिन बार्षिक रुपमा प्रकाशन गर्दै आएको छ ।
प्रवाह सार्वजनिक गर्नुहुँदै जिल्ला समन्वय समिति पाल्पाका प्रमुख टंकनाथ खनालले प्रवाहको अध्ययनबाट पाल्पाली पत्रकारिता र अवस्था बिषयमा जान्न बुझ्न धेरै सजिलो हुने बताउनुभयो । उहाँले प्रवाह बुलेटिन महासंघका गतिबिधिहरुको डकुमेन्टेसनका लागि पनि सहयोगी भएको बताउनुभयो ।
शाखाका संस्थापक सभापति एवम् प्रेस स्वतन्त्रता सेनानी मेघराज शर्माले पाल्पा पत्रकार महासंघले पहिल्यैदेखि नै प्रकाशन गर्दै आएको प्रवाह बुलेटिन वर्तमान कार्य समितिले बार्षिक रुपमा संग्रहणीय रुपमा प्रकाशन गर्दै आएकोमा धन्यवाद ब्यक्त गर्नुभयो । शाखा उपाध्यक्ष भरत शर्माको स्वागत, अध्यक्ष रेखीराम रानाको अध्यक्षता र सचिव यज्ञमूर्ति तिमिल्सिनाको संचालनमा कार्यक्रम चलेको थियो ।