पाल्पा । पाल्पामा स्वास्थ्य कार्यालयको आयोजना र स्थानीय तहहरूको समन्वयमा डेंगु रोकथाम तथा नियन्त्रणका लागि ‘लार्भा खोज र नष्ट गर’ अभियान सञ्चालन गरिएको छ ।
पानीका ड्रम, पानी जम्ने खाडल, पुराना टायर, फूलका गमला, पानी जम्मा हुने ठाउँमा लामखुट्टेले फुल पार्ने र ८ देखि १० दिनमै जीवन चक्र पूरा गर्ने भएकोले त्यस्ता ठाउँमा लामखुट्टेको लार्भा खोज्ने र नष्ट गर्ने, सरसफाई गर्ने काम महिला स्वास्थ्य स्वयमसेविका, स्वास्थ्यकर्मीको परिचालन गरी सञ्चालन गरिएको स्वास्थ्य कार्यालय पाल्पाका प्रमुख डा. राजेन्द्र कुमार गिरीले बताउनुभयो ।
अहिले जिल्लाभरी लामखुट्टेको लार्भा खोज र नष्ट गर अभियान सञ्चालनमा रहेकोले अभियानमा सरिक हुन स्वास्थ्य कार्यालय पाल्पाले सवैमा आग्रह समेत गरेको छ । मंगलबारसम्म पाल्पामा डेंगु संक्रमीतको संख्या १११ पुगेको छ ।
स्थानीय तहहरूले आन्तरिक बजेटबाट व्यवस्थापन गरी विगतका वर्षमा पनि ‘खोज र नष्ट गर’ अयिभायन सञ्चालन गर्दै आएको स्वास्थ्य कार्यालयले जानकारी दिएको छ ।