गोपालप्रसाद बस्याल । पाल्पा
मोहन कन्या स्काउट प्रथम दिक्षान्त कार्यक्रमसम्पन्न भएको छ । मोहन कन्या माध्यमिक विद्यालय, तानसेन पाल्पाका २८ जना छाज्ञाहरूलाई स्काउट मास्टर आशा आले मगरले करिव पाँच महिनाको प्रशिक्षण प्रदान गरे पश्चात् दिक्षान्त गरिएको हो ।
स्काउटर प्रशंसा बगाले, आराध्या राउत र शुष्मा सुवेदीले झण्डोत्तलन गरेपश्चात् सुरू भएको कार्यक्रममास्काउट मास्टर आशा आले मगरले स्काउट ब्याच र अतिथि स्काउट मास्टर निर्मला ठकुरीले स्काउट स्कार्फ प्रदान गर्नुभएको थियो भने अतिथिहरूले सम्मान गर्नुभएको थियो । कार्यक्रममा सकाउट ट्रुप लिडर दिया गाहाको नेतृत्वमा कवाज र पि टि प्रदर्शन गरिएको थियो ।
कायैक्रमका अतिथि वक्ताहरूले स्काउटका माध्यमबाट विद्यार्थीहरूमा अनुशासन, सहयोगी भावना, राष्ट्र प्रेम लगायत भ्रातृत्व, विश्वबन्धुत्व, विनम्रमताजस्ता गुणहरूको विकास गर्न सहयोग पुग्ने बताएका छन् । विद्यालय ब्यवस्थापन समितिका अध्यक्ष विधान श्रेष्ठको अध्यक्षतामा सञ्चालन भएको कार्यक्रममा प्रमुख अतिथि तानसेन नगरपालिका वडा नं. ४ का वडाध्यक्ष हेमन्त शाक्य र विद्यालयका प्रधानाध्यापक दिपक ज्ञवालीसमेतले छात्राहरूलाई बधाइ ज्ञापन गरेका थिए । कार्यक्रम स्काउट मास्टर आशा आले मगरले सञ्चालन गर्नुभएको थियो ।
