पाल्पा । पाल्पामा क्रियाशील २१ जना पत्रकार एक कार्यक्रमका बीच पुस्कृत भएका छन् । नेपाल पत्रकार महासंघ पाल्पा शाखामार्फत स्थापना भएका विभिन्न पुरस्कारबाट पत्रकारहरुलाई पुरस्कृत गरिएको हो ।
५० हजार राशिको राष्ट्रिय पत्रकारिता पुरस्कारबाट शाखाका पूर्वअध्यक्षहरु झपेन्द्र गहिरे र भगवान भण्डारी पुरस्कृत भएका छन् । २५ हजार नगदसहित मेघ–गोविन्द–झपेन्द्र पत्रकारिता पुरस्कारबाट शाखाका संस्थापक सचिव तथा वर्तमान उपाध्यक्ष भरत शर्मा,१५ हजार राशिको उत्कृष्ट पत्रकारिता पुरस्कारबाट पत्रकारहरु कृष्ण कार्की, यम गाहा र मुक्तिप्रसाद न्यौपाने पुरस्कृत भएका छन् ।
१० हजार राशिको सृजनशील पत्रकारिता पुरस्कारबाट पत्रकारहरु मिलन विक, कृष्ण दर्नाल र सिता डोटेल पुरस्कृत भएका छन् । १० हजार राशिको ग्रामीण पत्रकारिता पुरस्कारबाट पत्रकारहरु सुशीला रेग्मी र रमा भण्डारी साथै ७ हजार ५ सय राशिको सामाजिक जागरण पत्रकारिता पुरस्कारबाट पत्रकार दयाराज न्यौपाने र ५ हजार राशिको मानवअधिकार पत्रकारिता पुरस्कारबाट पत्रकार नारायण न्यौपाने पुरस्कृत भएका छन् ।
लेखनवृत्ति पत्रकारिता पुरस्कारबाट पत्रकारहरु रीमा सोमै, वीरेन्द्र घिमिरे, रामचन्द्र रायमाझी, विष्णु खनाल, कमल अधिकारी, नेत्र गैरे, सुनिल कार्की, धनबहादुर ठाडालाई ४ हजार नगद सहित पुरस्कृत गरिएको छ ।
पत्रकारहरुलाई पुरस्कार वितरण गनुहुदै लुम्बिनी प्रदेशका मुख्यमन्त्री चेतनारायण आचार्यले जनताका गुनासाहरु सरकारले सुनवाई गर्ने बताउनुभयो । उहाँले सेवा प्रवाहमा हुने ढिला सुस्ति बारे नागरिक तहबाट हुने गुनासोलाई प्रदेश सरकारले सुनुवाइ गर्ने बताउनुभयो । नयाँ सरकार गठन भएदेखि सुशासन, पारदर्शिता र जवाफदेहिताको क्षेत्रमा निर्मम ढंगले सरकारले काम गर्न खोजेको स्पष्ट पार्नु पारे ।‘प्रदेश सरकार निर्मम भएर अघि बढ्न खोजेको छ । भ्रष्टाचार न्यूनिकरणका लागि पाँच बर्षे रणनीतिक कार्ययोजना निर्माण, उपभोक्ता समितिको नाममा काम लिने र ठेकेदार मार्फत काम गर्ने प्रवृत्ति निरुत्साहित गर्न पाँच लाख माथिका योजना ठेक्का मार्फत कार्यान्वयन गर्दैछौं’ उहाँले भन्नुभयो ।
मुख्यमन्त्री आचार्यले प्रदेश सरकारले भगवती रथ जात्रालाई महत्व दिएको, सार्वजनिक विदा दिएर सम्मान गरेको बताउनुभयो । ‘प्रदेशले गौरवको पर्व मानेको छ । मन्दिर पुनर्निर्माण गर्ने जिम्मेवारी सरकारले लिन्छ । उच्च प्राथमिकतामा राखेर काम गर्छ । उहाँले भन्नुभयो, मन्दिरको पुनर्निर्माण प्रदेश सरकारको जिम्मेवारी र दायित्व भएको उहाँको भनाई थियो ।
कार्यक्रममा पत्रकार महासंघ पाल्पाका संस्थापक अध्यक्ष तथा प्रेस स्वतन्त्रता सेनानी मेघराज शर्माले जनतामा बढ्दै गरेको निरासालाइ चिर्न जरुरी रहेको बताउनुभयो । लुम्बिनी प्रदेश सभाका सभामुख तुलाराम घर्तीले राष्ट्रिय स्वाधीनताको विचारलाई आत्मसात गर्नुपर्ने बताउनुभयो । राष्ट्रिय पर्वको मान्यता दिन आवश्यक रहेको, रणउजीरेश्वरी मन्दिरको लागि पुननिर्माणको लागि प्रर्याप्त बजेट सुनिश्चित गर्न आवश्यक रहेको उल्लेख गर्नुभयो ।
कार्यक्रममा प्रतिनिधि सभा सदस्य ठाकुर गैरे, नारायण आचार्य, लुम्बिनी प्रदेशका आर्थिक मामिला तथा योजना मन्त्री धनेन्द्र कार्की, स्वास्थमन्त्री खेमबहादुर सारु, प्रदेशसभा सदस्य एवम् पूर्वमन्त्री बीर बहादुर राना, जिल्ला समन्वय समिति पाल्पाका प्रमुख टंकनाथ खनाल, नेपाली कांग्रेसका सभापति हिमालदत्त श्रेष्ठ, रामपुर नगरपालिकाका प्रमुख रमणबहादुर थापा, प्रमुख जिल्ला अधिकारी आनन्द काफ्ले, लुम्बिनी मेडिकल कलेजका अध्यक्ष गोपाल बहादुर पोखरेल, पत्रकार महासंघका पुर्व अध्यक्षद्वय गोविन्द भट्टराई र राजेशकुमार अर्याल लगायतले शुभकामना मन्तव्य राख्नुभएको थियो ।
कार्यक्रम शाखा उपाध्यक्ष भरत शर्माको अध्यक्षता र सचिव यज्ञमूर्ति तिमिल्सिनाको संचालन र अध्यक्ष रेखीराम रानाको अध्यक्षतामा सम्पन्न भएको थियो ।