पाल्पा । संविधान दिवस २०८१ को अवसरमा बगनासकालीमा राष्टिय झण्डा अनावरणसँगै अन्तरक्रिया कार्यक्रम सम्पन्न भएको छ ।
बगनासकाली गाउँपालिकाले वडा नं ९ चापपानीको बगनास डाँडामा ७० फिट उचाइ रहेको पोलमा ५० फिट ठुलो देशकै सबैभन्दा ठुलो राष्ट्रिय झण्डा फहराउदै अन्तरक्रिया कार्यक्रम नयाँ प्रसाशकीय भवनमा आयोजना गरेको छ । बगनासकाली गाउँ पालिकाका अध्यक्ष सरस्वती चिदीले जनप्रतिनिधि , कार्मचारी, पत्रकार र स्थानीय वासिहरुको उपस्थिति मा झण्डा फहराउनु भएको हो । अन्तरक्रिया कार्यक्रममा स्वागत गर्दै प्रवक्ता टीका बहादुर थापाले संविधानको रक्षाका लागि लाग्न सबैलाई आग्रह गर्नुभयो ।
असल अभ्यासलाई असल र खराब तथा वेथिति बिसंगतिलाई खबरदारी गर्ने अधिकार यहि संविधानले दिएको जानकारी गराउदै आबश्यकताका आधारमा जन भावना अनुसार संसोधन गर्दै जान सकिने बिचार पालिका उपाध्यक्ष हरि प्रसाद पाठकले व्यक्त गर्नुभयो । नेपाल पत्रकार महासंघ पाल्पा शाखाका सचिव यज्ञमुर्ति तिमिल्सिनाले जन भावना अनुसार संविधान संसोधन गर्नुपर्ने बिचार राख्नुभयो ।
चापपानीका वडा अध्यक्ष ठानेश्वर तिमिल्सिनाले संविधान र संविधानबादका बारेमा प्रस्ट पार्दै वर्तमान संविधान आवश्यकताका आधारमा परिवर्तनशील रहेको बिचार व्यक्त गर्नुभयो । जसपाका खिक बहादुर रेश्मीले जनताका सुझाबहरु समेटी अगाडि बढ्नुपर्ने बताउनुभयो । राप्रपाका कपिल ढुङ्गानाले काम गर्दा ध्यान दिएरमात्र गर्नुपर्ने बिचार राख्नुभयो । नेकपा माओवादी केन्द्रका खुमबहादुर बिकले कार्यान्वयन गर्न बाकी बुँदालाई कार्यान्वयन गर्दै दोषारोपण लाई न्यून गर्नुपर्ने,जन भावनाअनुसार जनदवाब सिर्जना गर्नुपर्ने बताउनुभयो । नेकपा एमाले का डेन्जिङ्ग रायमाझीले ले संविधान रक्षाका लागि आ आफ्नो क्षेत्रबाट सबैले भूमिका निर्वाह गर्नुपर्ने बताउनुभयो ।
नेपाली कांग्रेसका यमलाल तिमिल्सिनाले बहुलबादमा आधारित यो संविधान संसारकै उत्कृष्ट संविधान भएको बिचार व्यत्त गर्दै बिकेन्द्रिकृत अवस्थालाई प्राजातन्त्रमा स्विकारयोग्य रहेको बिचार व्यक्त गर्नुभयो । कार्यक्रमकै अवसरमा राष्टिय झण्डा निर्माण कम्पनीका प्रतिनिधि निरेन्द्र झेडीलाई सम्मान गरिएको थियो । प्रमुख प्रशासकीय अधिकृत खेमराज छिनालले राज्य सत्ता जनतामा निहित गरेको हुँदा यसको पुर्ण रुपमा पालना गर्न आग्रह गर्नुभयो । गाउँपालिकाका अध्यक्ष सरस्वती चिदीको अध्यक्षता र प्रशासन शाखा प्रमुख सुजन घिमिरेको संचालनमा कार्यक्रम भएको हो ।