पाल्पा । जल तथा मौसम विज्ञान विभागको मौसम पूर्वानुमान महाशाखा आगामी केही दिन देशका बिभिन्न स्थानमा ठूलो पानी पर्न सक्ने सम्भावना रहेको जनाएको छ । महाशाखाको बुलेटिनमा उल्लेख भए अनुसार पाल्पामा पनि ठूलो पानी पर्ने सम्भावना रहेको छ ।
महाशाखाका अनुसार हाल देशभर मनसुनी वायुको प्रभाव छ । बङ्गालको खाडीबाट प्रवाह हुने जलवाष्पयुक्त हावाको प्रभावका कारण मंगलवार दिउँसोदेखि देशभर आंशिकदेखि साधारणतया बदली रही लुम्बिनी प्रदेशका पश्चिमी भू–भाग तथा सुदूरपश्चिम प्रदेशका तराईका अधिकांश स्थानमा मेघगर्जन चट्याङ्गसहित हल्का वर्षा तथा केही स्थानमा मध्यम र एक दुई स्थानमा भारी वर्षाको सम्भावना रहेको बुलेटिनमा उल्लेख छ ।