पाल्पा । शसस्त्र प्रहरी बल नेपाल नं. ३५ गुल्म हे.क्वा. पाल्पाको बाह्रौ स्थापना बिशेष कार्यक्रम सम्पन्न भएको छ ।
पाल्पामा रहेको यो गुल्मले शान्ति सुरक्षाका लागि जनताको सुख दुखमा सारथीको भुमिका निर्वाह गर्दै आएको छ ।
कार्यक्रमका प्रमुख अतिथि महानिरीक्षक बाहिनीपति सशस्त्र प्रहरी बल नेपाल नं. ५ बिन्ध्याबासिनी बाहिनी मुख्यालय रुपन्देहीका बाहिनीपति सशस्त्र प्रहरी नायव महानिरीक्षक प्रदिप कुमार पाल रहनुभएको थियो । उहाँले आफ्नो शुभकामना मन्तव्य राख्नुहुँदै पाल्पामा रहेको यो गुल्म मार्फत हुँदै आएका महत्वपूर्ण जिम्मेवारीहरुको प्रसंशा गर्नुभयो । कार्यक्रममा धन्यवाद ब्यक्त गनुहुँदै गुल्मपति श्याम संगती महर्जनले सबै क्षेत्रको साथ र सहयोगले गुल्मले महत्वपूर्ण जिम्मेवारीहरु पूरा गर्न सफल भएको बताउनुभयो ।
कार्यक्रममा जिल्ला स्थित बिभिन्न बिशिष्ट पाहुनाहरुको सहभागिता रहेको थियो । यो गुल्मले बिभागीय जिम्मेवारी शान्ति सुरक्षासँगै जिल्लाका बिभिन्न समस्याहरुमा सच्चा सेवकको भूमिका निर्वाह गर्दै आएको छ । बिपद्का समयमा सशस्त्र प्रहरीको भूमिका महत्वपूर्ण रहेको छ ।
दिवसको अवसरमा गुल्मले बिभिन्न प्रतियोगिताहरु समेत संचालन गरेको थियो । दिवसकै अवसरमा हाजिरीजवाफ, सचेतनामूलक कक्षा, बिभिन्न खेलकुद प्रतियोगिताहरु, मन्दिर सरसफाई, दिपावली लगायतका कार्यक्रम संचालन गरेको थियो । कार्यक्रमकै अवसरमा प्रतियोगिताका बिजेताहरुलाई प्रमाणपत्र र पदक प्रदान गरिएको थियो । त्यस्तै बिभिन्न सहयोगी ब्यक्ति तथा संस्थाहरुलाई सम्मान समेत गरिएको थियो । त्यस्तै उत्कृष्ट कार्य गर्ने सशस्त्र प्रहरी कर्मचारीहरुलाई प्रशंसापत्रले सम्मान गरिएको थियो । कार्यक्रममा साँस्कृतिक प्रस्तुती समेत रहेको थियो । कार्यक्रमको संचालन हुमनाथ अधिकारीले गर्नुभएको थियो ।
