पाल्पा । नेपाल रेडक्रस सेसाइटी कालिका उपशाखाको आयोजना र पाल्पा जिल्ला शाखाको संयोजन तथा सहजीकरणमा तानसेन ३ बसन्तपुरमा डेंगी रोग नियन्त्रणका लागि सचेतनात्मक गतिविधि खोज र नष्ट गर अभियान सम्पन्न गरेको छ ।
कार्यक्रममा डेंगी रोग सम्वन्धी छलफलमा कालिका उपशाखाकी सभापति एन्जिना खनाल, स्वयम्सेवक संजीत थापा र जिल्ला शाखा अधिकृत बिनोद भारतीले सहजीकरण गरेका थिए । हाल जिल्लामा ४४७ जना डेंगी संक्रमीत व्यक्तिहरु रहेको जानकारी गराईएको थियो । कार्यक्रममा ४१ जनाको उपस्थित रहेको थियो ।
उपशाखाको स्थापनाको पहिलो कार्यक्रम हाल जिल्लामा डेंगी संक्रमण बढेको हुनाले खोज र नष्ट गर अभियान संचालन गरेको हो । तानसेन ३ बसन्तपूरका केही समुदायमा भरिएका पानीका भाँडाहरु, ड्रमहरु, तथा लामो समय देखी पानी भरीएर रहेका भाडाँहरुको पानी फाल्ने काम समेत गरीएको थियो । कार्यक्रम कालिका उपशाखाकी उपाध्यक्ष पद्मा भट्टराईको संचालनमा सम्पन्न भएको थियो ।