पाल्पा । चैत २२ गतेबाट तानसेन टुँडिखेल मैदानमा जारी तानसेन महोत्सव अर्को सूचना जारी नहुञ्जेलसम्मका लागि स्थगित भएको आयोजकले जनाएका छन् ।
गएरातिको हावाहुरी सहितको पानीले महोत्सव स्थलमा क्षति पु¥याएको छ । स्टेज लगायत स्टलका छानो समेत हुरीले उडाएको छ । टुँडिखेल मैदानमा पानी जमेका कारण लगाइएका कार्पेट तथा सजावट सामाग्री समेत जलाम्मे भएको छ ।
महोत्सव स्थलको पुर्न ब्यवस्थापन गर्नका लागि अन्य कार्यक्रम स्थगित गरिएको र आगामी सूचना जारी भएपछि मात्र महोत्सव निरन्तर चल्ने आयोजक संस्था पाल्पा ब्यापार संघका महासचिव तुल बहादुर अधिकारीले बताउनुभयो ।
