पाल्पा । प्रगतिशील तथा श्रमजीवी पत्रकारहरूको साझा संगठन प्रेस चौतारी नेपाल, पाल्पा स्थापनाको २५ औं वर्षमा प्रवेश गरेको अवसरमा आयोजित दिप प्रज्ज्वलन कार्यक्रममा लुम्बिनी प्रदेश सरकारका माननीय स्वास्थ्यमन्त्री खेम बहादुर सारुले प्रमुख अतिथिको रुपमा शुभकामना व्यक्त गर्नुभएको छ ।
पाल्पामा आजभन्दा २५ वर्षभन्दा पहिले केशवराज नेपालको नेतृत्वमा प्रेस चौतारी नेपाल पाल्पा स्थापना भएको थियो । सोहि दिनको स्मरणमा प्रेस चौतारीले बैशाख २७ गते स्थापना दिवस मनाउँदै आएको छ ।
बहुदलीय लोकतान्त्रिक परिपाटीको प्रवर्धन, खोजपूर्ण, व्यवसायिक एवं अनुसन्धानमूलक पत्रकारिता सम्बद्ध क्रियाकलापहरूको सञ्चालन गर्ने प्रेस चौतारीको मूल उद्देश्य हुनुपर्ने मन्त्री सारुले बताउनुभयो ।
कार्यक्रममा प्रेस चौतारी नेपालका केन्द्रीय सदस्य मिलन विक, एमाले पाल्पाका उपाध्यक्ष विमल काफ्ले, पत्रकार महासंघ पाल्पाका अध्यक्ष कमलराज तिमिल्सेना, संस्थापक अध्यक्ष केशवराज नेपाल, निवर्तमान अध्यक्ष राजेन्द्र लिगल, चौतारी प्रदेश सचिव कृष्ण पोखरेल, जिल्ला अध्यक्ष कृष्ण कार्की, सचिव दयाराज न्यौपाने लगाएतले स्थापना दिवसको अवसरमा शुभकामना व्यक्त गर्नुभयो ।
