एवत सारू । पाल्पा
११४औं अन्तर्राष्ट्रिय नारी दिवसको अवसर पारेर रम्भा गाउँपालिका २ फोक्सिङकोटमा कार्यक्रम सम्पन्न भएको छ । कार्यक्रमका प्रमुख अतिथि जिल्ला समन्वय समिति पाल्पाका सदस्य भोबीसरा सारूले वर्तमान संविधानले महिलाहरूलाई समानता प्रदान गर्न विभिन्न सुविधाहरू प्रदान गरिएकोले सबै महिला अझ जागरुक हुनुपर्ने बताउनुभयो ।
कार्यक्रमका विशिष्ट अतिथि रम्भा गाउँ कार्यपालिका सदस्य सरस्वती बिक तथा वडा सदस्य दुर्गाबहादुर थापाले महिला सशक्तिकरण र सचेतना आजको आवश्यकता भएको बताउनुभयो । कार्यक्रममा वडा सचिव धनकुमारी सारु, फोक्सिङकोट स्वास्थ्य चौकीका विष्णुमाया राना, जिल्ला समन्वय समितिका सदस्य भविसरा सारुलाई सम्मान गरिएको
थियो ।
कार्यक्रममा वडा सचिव धनकुमारी सारु, उपहार सामाजिक उद्यमी महिला सहकारी संस्थाका व्यवस्थापक कृष्ण माया पाँडे मगरले शुभकामना मन्तव्य राख्नुभएको थियो । फोक्सिङकोटका महिलाहरू वडा कार्यालयको प्राङ्गणमा जम्मा भएर महिला हक अधिकारका नारा लेखिएका प्लेकार्ड सहित ¥याली निकालेका थिए । कार्यक्रम महिला सञ्जाल समिति फोक्सिङकोटका अध्यक्ष उमी सरा सुनारीको अध्यक्षता र मनिषा आलेको सञ्चालनमा भएको थियो ।
