कविता अधिकारी
उठौ जागौ युवा हो मानव सेवामा
जोस–जाँगर हुनुपर्छ हामी युवामा ।
सेवा गरे मेला मिल्छ भन्ने हाम्रो धर्म
कुसंस्कार हटाउने गरौ हाम्ले कर्म ।
आगोलागी चट्याङ अनि दुर्घटना पहिरो
युवाले नै सेवा गरे सरकार भयो बहिरो ।
भुकम्पको आपतमा कति जनता रोए
बाढी पीडितलाई नि राहत दिने तिनै युवा थिए ।
चेलीबेटी बेचविखनमा हिंसा अपराध
निर्मुल पारौ हामी युवा जागौं एकै साथ ।
जोखिमपूर्ण काममा पनि पछि छैनन् युवा यहाँ
रक्तदान नि गरेकै छन् बिरामी छन् जहाँ ।
कोरोनाको महामारीमा नि कति सहयोग भयो
प्राथमिक उपचारमा नि युवाकै भूमिका रह्यो ।
सातै बुँदामा आधारित भई गरे युवा काम
मानव सेवा धर्म भन्ने अरुले नि जान ।
दृष्टिबिहीन असहाय अनि अशक्तको सेवा
दिनरात नभनेर खटेका छन् युवा ।
युवाहरु अघि बढे देशले कोल्टे फेर्नेछ
दिन दुःखी जनताको आँशु पछ्नेछ ।
एमबिएस स्कुल तानसेन पाल्पा