सेन्ट कपितानियोमा जिल्ला स्तरीय हाजिरीजवाफ प्रतियोगिता सम्पन्न

0
624

पाल्पा । कपितानियो स्काउट ट्रुप तानसेन पाल्पाको आयोजनामा जिल्ला स्तरीय हाजिरीजवाफ प्रतियोगिता सेन्ट कपितानियो स्कुल तानसेनको सभाहमा सम्पन्न भएको छ । जिल्लाका ८ वटा विद्यालय सहभागिता रहेको प्रतियोगितामा रामपुर ईङ्लिस बोर्डिङ स्कुलमा संचालित स्काउट ट्रुप प्रथम भएको छ । त्यस्तै बेथल स्काउट ट्रुप द्धितिय र माउन्ट भ्याली स्काउट ट्रुप तृतीय भएका छन् ।

बिजयी समूहलाई पुरस्कार वितरण समारोहमा प्रमुख अतिथि नेपाल स्काउट लुम्बिनी प्रदेश तदर्थ समति सदस्य तथा पाल्पा इन्चार्ज जीवन आचार्यले पाल्पा स्काउटको विकासमा निरन्तर क्रियाशिल रहेको बताउनुभयो । उहाँले हाल ३० भन्दा बढी विद्यालयमा स्काउटिङ् गतिविधि संचालन रहेको र २०८० भित्रमा १०० वटा बढी स्काउट ट्रुप बनाउने योजना रहेको बताउनुभयो । प्रतियोगितामा प्रथम, द्धितिय र तृतीय हुने समूहले क्रमशः २ हजार, १ हजार ५ सय र १ हजार नगद पुरस्कार तथा मेडल र प्रमाणपत्र प्राप्त गरेका छन् । कार्यक्रमका प्रमुख अतिथि सहित अतिथिहरुलाई मायाको चिनो प्रदान गरिएको थियो ।

कार्यक्रमका बिशिष्ट अतिथि तानसेन नगरपालिका स्काउट संयोजक माधव खनालले स्काउटले शिक्षा क्षेत्रको किवासमा महत्वपूर्ण योगदान गर्दै आएको बताउनुभयो । प्रतियोगिता सेन्ट कपितानियो स्कुलका प्रिन्सिपल सिस्टर एनिस जोसेफको अध्यक्षता र स्काउट मास्टर अप्सरा न्यौपानेको संचालनमा सम्पन्न भएको थियो ।

LEAVE A REPLY

Please enter your comment!
Please enter your name here