पाल्पा । रामपुर नगरपालिका १० स्थित मुना मेमोरियल ट्रष्टको सामुदायिक भवनमा १४ औं मुना अधिकारी पौड्याल स्मृति समारोह तथा जनकल्याण मावि रामटारबाट २०८० को एसइई मा उत्कृष्ट अंक ल्याउन सफल छात्रा सविता पाठकलाई सम्मान गरिएको छ ।
छात्रा पाठकलाई नगद रु ७ हजार ५ सय र प्रशंसापत्रले सम्मान गरिएको हो । ट्रष्टका अध्यक्ष जनार्दन अधिकारीको अध्यक्षतामा भएको कार्यक्रममा रामपुर नगरपालिकाकी उपप्रमुख बालकुमारी थापाले संस्थाको छात्रबृत्ति वितरण कार्यक्रमले बिद्यार्थीमा हौसला दिने बताउनुभयो । उहाँले यसप्रकारको कार्यक्रमलाई आगामी दिनमा पनि निरन्तरता दिन आग्रह गर्नुभयो । उहाँले ट्रष्ट भवनको प्रांगण निर्माणमा नगरपालिकाको तर्फबाट बजेट बिनियोजन गरिने बताउनुभयो ।
कार्यक्रममा वडा सदस्य पिताम्बर ओस्ती, जनकल्याण माविका अध्यक्ष बिष्णु प्रसाद भण्डारी, बिद्यालयका प्रअ आनन्द भण्डारी, शिक्षा सेवीहरु बावुराम तिमिल्सिना, शोभाकान्त भण्डारी, समाजसेवीहरु नोलराज भण्डारी, जगन्नाथ तिमिल्सिना, रामकृष्ण भण्डारी, ज्ञानप्रसाद भण्डारी, नेतृहरु द्ुर्गा भण्डारी, पार्वती न्यौपाने, पुरस्कृत बिद्यार्थी सविता पाठक, अभिभावक माया पाठक लगायतले मुना ममोरियल ट्रष्टको योगदानको कदर गर्नुभयो ।
ट्रष्टकी साधारण सदस्य सावित्रा अधिकारीको स्वागत तथा सचिव उपेन्द्र अधिकारीको संचालनमा कार्यक्रम चलेको थियो ।
उपेन्द्र अधिकारीबाट
