चौमासिक समिक्षा सहित जनताको गुनासो सम्बोधनमा बगानसकाली

0
200

पाल्पा । बगनासकाली गाउँपालिकाले स्थानीय समुदायको सुझाव सल्लाह बमोजिम पालिका कार्यक्रम र योजनाहरुलाई प्रभावकारी अगाडि बढाउँदै आएको छ । स्थानीय नागरिक र सरोकारवालाहरुको सुझाव सल्लाह लिने उद्देश्यले नै पालिकाले दोश्रो चौमासिकको प्रगति समिक्षा एवम् सार्वजनिक सुनुवाई गरेको छ । कार्यक्रममा सेवाग्राहीहरुले राखेका जिज्ञाशाको जवाफ दिनुहुँदै गाउँपालिका अध्यक्ष सरस्वती चिदीले बगनासकाली गाउँपालिकाका हरेक नागरिकले स्थानीय सरकार घरदैलोको अफ्नो सरकार हो भन्ने कुराको महसुस हुने गरि आफूहरुले काम गर्दै आएको बताउनुभयो ।

उहाँले सामाजिक सुरक्षा भत्ता वडाबाटै बितरण गर्ने कार्य बगनासकाली गाउँपालिकाले शुभारम्भ गरेको र यसबाट लाभग्राहीहरु खुशी हुनुभएको बताउनुभयो । ग र घ बर्गका अपांगता भएका ब्यक्तिहरुलाई पनि केही रुपमा भएपनि राहत होस् भन्नका लागि भत्ताको व्यवस्था पालिकाले गरेको छ । चिदीले भन्नुभयो । अध्यक्ष चिदीले रानीमहल क्षेत्रको जग्गा व्यवस्थित गर्न कार्य अगाडि बढाइएको, हाल देखिएको लम्फी स्किन रोगका बिरुद्ध २ सय २५ पशुको उपचार गरिएको र कृषि तथा पशु सेवाका कर्मचारी निरन्तर किसानको समस्या समाधानका लागि र सहजीकरणका लागि लागिपरेको बताउनुभयो ।

अध्यक्ष चिदीले बगनासकालीमा बसाईसराई समस्याको रुपमा रहेको उल्लेख गर्नुहुँदै जनताका बास्तविक समस्याको पहिचान गरि योजनाबद्धरुपमा बसाई सराई कम गर्ने गरि खास योजना बनाउने बताउनुभयो । उहाँले यस बर्ष आफुहरुको कार्यकालमा आर्थिक योजना निर्माण, स्थानीय सरकार संचालन सम्बन्धि कार्यविधि तथा ऐन निर्माण, प्रशासनिक भवन साथै १५ शैयाको अस्पताल निर्माणको काममा तिव्रता दिइएको बताउनुभयो । बिपन्न समुदायलाई प्रोत्साहन गर्ने कार्यक्रम र बाल विवाह न्यूनीकरणका लागि कार्यक्रम गरे पनि सोचे अनुसार नभएकोले योजनाबद्धरुपमा अगाडि बढेको उहाँको भनाई थियो ।

गाउँपालिका उपाध्यक्ष हरिप्रसाद पाठकले पालिकाको भौतिक बिकासमा बस्ती देखि बस्ती सम्म जोडने, कृषिलाई व्यवसायिक बनाउने, पालिकाको आन्तरिक राजश्व बृद्धिका लागि पहल गर्ने लगायतका कामहरु भएको बताउनुभयो । उहाँले बगनासकाली गाउँपालिकालाई पारदर्शी गाउँपालिकाको रुपमा विकास गर्ने गरि नै यसरी चौमासिक रुपमा प्रगति समिक्षा र सार्वजनिक सुनुवाई गर्ने अभ्यासको शुभारम्भ गरिएको बताउनुभयो । गाउँपालिकाका प्रवक्ता टिका बहादुर थापाले बिगतको प्रगतिको समिक्षाले आगामी दिनमा कार्य योजना बनाई अघि बढन मार्ग प्रसस्त हुने बताउनुभयो । गाउँपालिकाका प्रमुख प्रशासकीय अधिकृत बिष्णु घर्तीले बगनासकाली गाउँपालिकाले सूचनाको हकको कार्यान्वयन गर्दै यसप्रकारको कार्यक्रमको आयोजना गरेको बताउनुभयो ।

कार्यक्रममा सामाजिक सुरक्षा शाखा प्रमुख भोजराज भट्टराईले सबै शाखाहरुको गत चार महिनाको कार्य प्रगति प्रस्तुत गर्नुभयो । भट्टराईले लेखा शाखाबाट हालसम्म ४९ प्रतिशत खर्च भएको जानकारी गराउनुभयो । यस्तै वडागत प्रस्तुती वडा नं. ६ का वडा सचिव युवराज पाण्डेले गर्नुभएको थियो । स्वास्थ्य शाखा, केन्द्र तथा चौकीबाट गत चौमासिकमा जनतालाई पु¥याइएका स्वास्थ्य सेवा सम्बन्धी प्रस्तुती यम्घा स्वास्थ्य चौकी प्रमुख राम प्रसाद न्यौपानेले प्रस्तुत गर्नुभएको थियो ।

LEAVE A REPLY

Please enter your comment!
Please enter your name here