पाल्पा । प्रथम अकला कप २०८१ अन्तर्गत खुल्ला टाेल स्तरीय पुरुष भलिबल प्रतियोगिता रामपुर ७ आमडाँडा पाल्पामा मंगलबार सम्पन्न भएको छ ।

अकला युथ क्लव रामपुर ७ आमडाँडा पाल्पाकाे आयोजनामा भएकाे प्रतियोगिताकाे उपाधि माेहमी युवा क्लव चापाकाेट ६ स्याङ्जाले  जितेकाे छ । लाङ्घाली उत्थान समाज पूर्वखाेला १ सिलुवालाई साेझाे सेटमा हराउँदै माेहमी युवा क्लवले उपाधि हात पारेकाे हाे । यस्तै जेवाईसि युथ क्लबलाई २-० काे साेझाे सेटमा हराउँदै मकैडाँडा युवा क्लवले तृतीय स्थान हासिल गरेकाे छ । यस संगै विजेता,उपविजेता र तृतीय हुने समूहले नगद ३० हजार ,२० हजार र १० हजार सहित ट्रफी ,मेडल र प्रमाणपत्र प्राप्त गरेकाे छ ।

विजयी समूहलाई पुरस्कार वितरण गर्दै रामपुर नगरपालिकाका कार्यबाहक नगर प्रमुख तथा उपप्रमुख बाल कुमारी थापाले टाेल टाेलमा हुने विभिन्न खेलकुद प्रतियोगिताले स्थानीय स्तरमा रहेका खेलाडीहरुकाे प्रतिभा प्रस्फुटन गर्दै राष्ट्रिय तथा अन्तर्राष्ट्रिय स्तरका खेलाडी उत्पादनमा सघाउ पुगेकाे बताउनुभयो । स्थानीय स्तरमा हुने प्रतियोगिता खेलाडीकाे खेल भविष्यकाे मार्गदर्शक भएकाे बताउनुभयो ।साथै खेलले अनुशासन संगै सभ्य नागरिक बन्न सघाउ पुर्‍याउने उल्लेख गर्नुभयो । सिमित स्राेत र साधनका विच पनि खेलकुदलाई उच्च प्राथमिकता दिएकाे भन्दै खेलाडीलाई उच्च मनाेबलका साथ खेलमा लाग्न आग्रह समेत गर्नुभयो ।

कार्यक्रममा बाेल्दै रामपुर नगरपालिका वडा नं.७ का अध्यक्ष दाेवराज तिवारीले खेलकुदले राष्ट्रलाई चिनाउने बताउनुभयो । यस्तै नेपाली काँग्रेस रामपुरका सभापति एवं शहिद बहुमुखी क्याम्पस व्यवस्थापन समितिका अध्यक्ष नेत्र प्रसाद भट्टराईले खेलकुद क्षेत्रकाे विकासका लागि टाेल टाेलमा हुने यस्ता प्रतियोगिताकाे महत्त्वपूर्ण भूमिका रहने बताउनुभयो ।

क्लवका अध्यक्ष रामु क्षेत्रीकाे अध्यक्षतामा भएको पुरस्कार वितरण तथा समापन कार्यक्रम रामपुर नगरपालिकाका कार्यबहाक नगर प्रमुख तथा उपप्रमुख बाल कुमारी थापाको प्रमुख आतिथ्यतामा सम्पन्न भएको हाे । क्लवका सहसचिव सागर कंडेलकाे स्वागतबाट शुरु भएकाे कार्यक्रमकाे सञ्चालन डाेलराज श्रेष्ठले गर्नुभएको थियाे । प्रतियोगितामा विभिन्न विधामा विधागत पुरस्कार प्रदान गरिएको थियाे । माघ ६ गते देखि भएकाे खुल्ला टाेल स्तरीय पुरुष भलिबल प्रतियोगितामा १७ समूहकाे सहभागीता रहेको थियो ।

पाल्पा । लुम्बिनी प्रदेशका स्वास्थ्यमन्त्री खेम बहादुर सारुले स्वास्थ्य बीमालाई औपचारिक क्षेत्रसंग जोड्दै लगिएको बताउनुभएको छ । मन्त्री सारुले राज्यको मुख्य प्राथमिकतामा रहेको स्वास्थ्य बीमालाई औपचारिक क्षेत्रसंग जोड्दै लगिएको बताउनुभयो ।

मन्त्री सारुले राज्यका विभिन्न तह र निकायमा रहेका व्यक्तिहरुलाई स्वास्थ्य बीमामा जोड्दा राज्यको नीति र कार्यक्रम सफल बनाउन ठुलो मद्दत पुग्ने बताउनुभएको हो । राज्यका विभिन्न क्षेत्रमा रहेका कर्मचारी र विशिष्ट व्यक्तिहरु स्वास्थ्य बीमासंग जोडिँदा उदाहरण प्रस्तुत समेत हुने भन्दै उहाँले यसलाई प्राथमिकता दिएर स्वास्थ्य मन्त्रालय अघी बढिरहेको बताउनुभयो ।

मन्त्री सारुले अहिले सम्म सार्वजनिक क्षेत्रका २ हजार बढी व्यक्तिहरुलाई स्वास्थ्य बीमासंग जोडेको बताउनुभयो । आर्थिक रुपमा केही सबल व्यक्तिहरु समेत स्वास्थ्य बीमामा जोडिँदा सार्वजनिक अस्पतालको सेवा प्रवाहप्रति विश्वास बढ्ने उहाँको भनाई छ ।

राज्यले अघी सारेको योजना तथा कार्यक्रमलाई सबैले साथ दिँदा सर्वसाधारण नागरिकलाई सेवा प्रवाह गर्न योगदान समेत हुने मन्त्री सारुले बताउनुभयो । सामान्य र कमजोर आर्थिक अवस्था भएका नागरिकहरुलाई प्राथमिकता दिएर स्वास्थ्य उपचार गर्ने लक्ष्यका साथ मन्त्रालयले अस्पतालहरुको सेवा प्रवाह अवस्था सुधार गरेको समेत उहाँले बताउनुभयो ।

मन्त्री सारुले स्वास्थ्य बीमा लागु भएका अस्पतालहरु रिफरल सेण्टरको रुपमा भन्दा त्यहीँबाट सेवा लिने वातावरण तयार गर्नेगरी योजना बनाएको बताउनुभयो । उहाँले सर्वसाधारण नागरिकलाई रोग लाग्नै नदिने, लागिहालेमा सहज र सरल तरिकाले उपचार गर्ने विषय स्वास्थ्य मन्त्रालयको प्राथमिकतामा रहेको बताउनुभयो ।